ଭୁବନେଶ୍ବର: ଆଲୁମିନିୟମ ଉତ୍ପାଦନକାରୀ ବେଦାନ୍ତ ଆଲୁମିନିୟମ ଉତ୍କର୍ଷ ଓଡ଼ିଶା – ମେକ୍ ଇନ୍ ଓଡ଼ିଶା ୨୦୨୫ କନକ୍ଲେଭରେ ଏହାର ଏକ ବ୍ୟାପକ ପ୍ରଦର୍ଶନୀ ପ୍ରସ୍ତୁତ କରିଥିଲା, ଯେଉଁଥିରେ ଏହାର ଇଏସଜି ଅଭ୍ୟାସ, ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଏବଂ ସାମାଜିକ ପ୍ରଭାବ ପଦକ୍ଷେପଗୁଡ଼ିକୁ ଅନ୍ତର୍ଭୁକ୍ତ କରି ବିବିଧ ପ୍ରଦର୍ଶନୀ କରାଯାଇଥିଲା।
କନକ୍ଲେଭର ପ୍ରଥମ ଦିନରେ, ବେଦାନ୍ତ ଓଡ଼ିଶାରେ ୧ ଲକ୍ଷ କୋଟି ଟଙ୍କାର ନୂତନ ନିବେଶ ଘୋଷଣା କରିଛି, ଯାହା ରାଜ୍ୟର ଶିଳ୍ପ ଓ ଅଭିବୃଦ୍ଧିକୁ ତ୍ବରାନ୍ବିତ କରିବାରେ ଗୁରୁତ୍ବପୂର୍ଣ ଯୋଗଦାନ ଦେବ | ବେଦାନ୍ତ ଗ୍ରୁପର ପ୍ରତିଷ୍ଠାତା ଏବଂ ଅଧ୍ଯକ୍ଷ ଅନିଲ ଅଗ୍ରୱାଲ ଏହି ନିବେଶ ସମ୍ମିଳନୀର ନେତୃତ୍ବ ନେଇଥିଲେ, ତାଙ୍କର ନେତୃତ୍ବ ରାଜ୍ୟର ସମୃଦ୍ଧି ପାଇଁ କମ୍ପାନୀର ଦୀର୍ଘକାଳୀନ ପ୍ରତିବଦ୍ଧତାକୁ ଆଗକୁ ବଢାଇବାରେ ସହାଯକ ହୋଇଛି। ଏହି କାର୍ଯ୍ୟକ୍ରମରେ, ବେଦାନ୍ତ ଆଲୁମିନିୟମ ନିଯୁକ୍ତି, ଶିକ୍ଷା ଏବଂ ଭିଭିଭୂମି ପାଇଁ ଏକ ମାଧ୍ୟମ ସାଜିଥିଲା, ଯାହା ଓଡ଼ିଶାକୁ ଏକ ଶିଳ୍ପ ଶକ୍ତିଶାଳୀରେ ପରିଣତ କରିଥିଲା I
ଷ୍ଟଲରେ ପରିଦର୍ଶକମାନେ କମ୍ପାନୀର ବିଶ୍ଵସ୍ତରୀୟ ଉତ୍ପାଦଗୁଡ଼ିକ ପ୍ରଦର୍ଶନ ଏବଂ ରାଜ୍ୟର ପ୍ରଗତିରେ କମ୍ପାନୀର ବ୍ୟାପକ ଅବଦାନ ବିଷୟରେ ଅନ୍ତଦୃଷ୍ଟି ପାଇଥିଲେ। ବେଦାନ୍ତ ଆଲୁମିନିୟମ ଏହାର ୧ ଆଲୁମିନିୟମ ପାର୍କକୁ ମଧ୍ୟ ପରିଚିତ କରାଇଥିଲା, ଯାହା ଭାରତର ସର୍ବବୃହତ ଧାତୁ ପାର୍କ ହେବାକୁ ଯାଉଛି |୨୫୩ ଏକର ପରିବ୍ୟାପ୍ତ ଏହି ପାର୍କକୁ ଡାଉନଷ୍ଟ୍ରିମ୍ ଶିଳ୍ପ ପାଇଁ ଏକ ୱାନ୍-ଷ୍ଟପ୍ ହବ୍ ଭାବରେ କଳ୍ପନା କରାଯାଇଛି ଯାହାଦ୍ବାରା ଓଡ଼ିଶାର ଝାରସୁଗୁଡାରେ କମ୍ପାନୀର ମେଗା ଆଲୁମିନିୟମ ପ୍ଲାଟରୁ ଉଚ୍ଚମାନର ଗରମ ଧାତୁ ବ୍ୟବହାର କରାଯାଇପାରିବ।
