ନୂଆଦିଲ୍ଲୀ: ଆଦାନି ବିରୋଧରେ ଠକେଇ ଏବଂ ଲାଞ୍ଚ ମାମଲାରେ ଆମେରିକା ଭାରତ ସରକାରଙ୍କଠାରୁ ସାହାଯ୍ୟ ଲୋଡ଼ିଛି। ଆମେରିକାର ସିକ୍ୟୁରିଟିଜ୍ ଆଣ୍ଡ୍ ଏକ୍ସଚେଞ୍ଜ କମିଶନ ନ୍ୟୁୟର୍କ ଫେଡେରାଲ୍ କୋର୍ଟକୁ କହିଛି ଯେ ଲାଞ୍ଚ ମାମଲାରେ ଗୌତମ ଆଦାନୀ ଏବଂ ସାଗର ଆଦାନୀଙ୍କୁ ନୋଟିସ୍ ପଠାଇବା ପାଇଁ ପ୍ରୟାସ କରାଯାଉଛି। ଏସ୍ଇସି ମଙ୍ଗଳବାର କୋର୍ଟଙ୍କୁ କହିଛି ଯେ ଶିଳ୍ପପତି ଗୌତମ ଆଦାନୀ ଏବଂ ତାଙ୍କ ଭଣଜା ସାଗର ଆଦାନୀ ବର୍ତ୍ତମାନ ଭାରତରେ । ସେମାନଙ୍କୁ ନୋଟିସ୍ ଦେବା ପାଇଁ ଭାରତୀୟ କର୍ତ୍ତୃପକ୍ଷଙ୍କଠାରୁ ସାହାଯ୍ୟ ଲୋଡାଯାଇଛି। ଏଥିପାଇଁ ଭାରତର ଆଇନ ମନ୍ତ୍ରଣାଳୟ ସହିତ ଯୋଗାଯୋଗ କରାଯାଉଛି।
ସୂଚନାଯୋଗ୍ୟ ଯେ, ଗୌତମ ଆଦାନୀଙ୍କ ସମେତ ୮ ଜଣଙ୍କ ବିରୁଦ୍ଧରେ ଭାରତରେ ନବୀକରଣଯୋଗ୍ୟ ଶକ୍ତି ପ୍ରକଳ୍ପଗୁଡ଼ିକୁ ଜାଲିଆତି କରି ଅଗ୍ରହଣ କରିବା ନେଇ ଅଭିଯୋଗ ରହିଛି। ଏହି ପ୍ରକଳ୍ପ ପାଇବା ପାଇଁ ସେମାନେ ୨ ହଜାର କୋଟି ଟଙ୍କା ଲାଞ୍ଚ ଦେବାକୁ ଯୋଜନା କରିଥିଲେ | ଏହି ମାମଲାରେ, ୨୦୨୪ ଅକ୍ଟୋବର ୨୪ରେ ନ୍ୟୁୟର୍କର ଫେଡେରାଲ୍ କୋର୍ଟରେ ଏକ ମାମଲା ଦାୟର କରାଯାଇଥିଲା | ଆମେରିକୀୟ ନିବେଶକଙ୍କୁ ମିଛ କହି ଏଥିରେ ପାଣ୍ଠି ସଂଗ୍ରହ କରିବାର ଅଭିଯୋଗ ରହିଛି। ଏହି ଠକେଇ ମାମଲା ଆଦାନୀ ଗ୍ରୁପ୍ କମ୍ପାନୀ ଆଦାନୀ ଗ୍ରୀନ୍ ଏନର୍ଜି ଲିମିଟେଡ୍ ଏବଂ ଅନ୍ୟ ଏକ କମ୍ପାନୀ ସହିତ ଜଡିତ ଥିଲା | ଏଥିରେ ଅଭିଯୋଗ ଥିଲା ଯେ ଆଦାନୀ ଏବଂ ଅନ୍ୟମାନେ ଆମେରିକୀୟ ନିବେଶକ ଏବଂ ବ୍ୟାଙ୍କଗୁଡ଼ିକୁ ମିଛ କହି ଅର୍ଥ ସଂଗ୍ରହ କରିଥିଲେ | ଏହାପରେ ପ୍ରକଳ୍ପ ପାଇବା ପାଇଁ ସେମାନେ ସରକାରୀ ଅଧିକାରୀମାନଙ୍କୁ ୨୫୦ ନିୟୁତ ଡଲାର ଅର୍ଥାତ୍ ପ୍ରାୟ ୨୦୨୯ କୋଟି ଟଙ୍କା ଲାଞ୍ଚ ଦେବାକୁ ଯୋଜନା କରିଥିଲେ I
ଚାର୍ଜ ସିଟ୍ ଅନୁଯାୟୀ, ଏହା ଆମେରିକାର ବିଦେଶୀ ଦୁର୍ନୀତି ଅଭ୍ୟାସ ଆଇନ (ଏଫ୍ସିପିଏ)ର ଉଲଂଘନ ବିଶେଷ କଥା ହେଉଛି ଯେ ଆମେରିକାର ନ୍ୟାୟ ବିଭାଗର ଦସ୍ତାବିଜରେ ଲାଞ୍ଚ ପ୍ରଦାନ ଏବଂ ଯୋଜନା ବିଷୟରେ ଉଲ୍ଲେଖ ରହିଛି। ଲାଞ୍ଚ ଦିଆଯାଇଥିଲା ବୋଲି କୁହାଯାଇନାହିଁ। ୨୦ ନଭେମ୍ବର ୨୦୨୪ରେ କୋର୍ଟରେ ମାମଲାର ଶୁଣାଣି ହୋଇଥିଲା ଏବଂ ଏହି ଘଟଣା ସାମ୍ନାକୁ ଆସିଥିଲା | ଏଥିରେ ଆଦାନୀ ଗ୍ରୁପ୍ ସମସ୍ତ ଅଭିଯୋଗକୁ ଭିତ୍ତିହୀନ ବୋଲି କହିଛି। ନଭେମ୍ବର ୨୧ରେ ଜାରି ଏକ ବିବୃତ୍ତିରେ ଆଦାନୀ ଗ୍ରପ୍ କହିଛି ଯେ, ଆଦାନୀ ଗ୍ରୀନ୍ ଏନର୍ଜି ଲିମିଟେଡର ନିର୍ଦ୍ଦେଶକଙ୍କ ବିରୁଦ୍ଧରେ ଯୁକ୍ତରାଷ୍ଟ୍ରର ନ୍ୟାୟ ବିଭାଗ ଏବଂ ଯୁକ୍ତରାଷ୍ଟ୍ର ସିକ୍ୟୁରିଟିଜ୍ ଆଣ୍ଡ୍ ଏକ୍ସଚେଞ୍ଜ କମିଶନଙ୍କ ଦ୍ବାରା କରାଯାଇଥିବା ଅଭିଯୋଗ ଭିଭିହୀନ। ଏହି ଖବର ଆସିବା ପରେ ଆଦାନୀଙ୍କ ନେଟ୍ ସମ୍ପତ୍ତିରେ ୧.୦୨ ଲକ୍ଷ କୋଟି ଟଙ୍କା ହ୍ରାସ ପାଇଥିଲା। ଏହି ସମୟରେ, କେନିଆ ଆଦାନୀ ଗ୍ରୁପ୍ ସହିତ ବିଦ୍ୟୁତ୍ ପରିବହନ ଏବଂ ବିମାନ ବନ୍ଦର ସମ୍ପସାରଣ ଚୁକ୍ତିକୁ ବାତିଲ କରିଦେଇଛି। ଉଭୟ ଚୁକ୍ତିର ମୂଲ୍ୟ ୨୧, ୪୨୨ କୋଟି ଟଙ୍କା ଥିଲା I
