ମହାନଦି କୋଲଫିଲ୍ଡସ୍ ଲିମିଟେଡ୍ (ଏମସିଏଲ) ଝାରସୁଗୁଡା ଜିଲ୍ଲାରେ ଶିକ୍ଷାର ଗୁଣାତ୍ମକ ମାନ ବୃଦ୍ଧି ପାଇଁ ଏକ ପରିବର୍ତ୍ତନଶୀଳ ପଦକ୍ଷେପ ଘୋଷଣା କରିଛି। ଝାରସୁଗୁଡା ଜିଲ୍ଲାରେ ଶିକ୍ଷାର ପ୍ରଚାର ପ୍ରସାର ନିମନ୍ତେ ୧୫.୬୩ କୋଟି ଟଙ୍କା ଆବଣ୍ଟନ କରିବ କମ୍ପାନୀ। ବିଦ୍ୟାଳୟଗୁଡ଼ିକର ଭିତ୍ତିଭୂମି ନବୀକରଣ ପାଇଁ ଏହାର CSR କାର୍ଯ୍ୟକ୍ରମ ଅଧୀନରେ ବିଦ୍ୟାଳୟର ଭିତ୍ତିଭୁମି ସୁଦୃଢ କରିବ।
ଏହି ପ୍ରକଳ୍ପଟି ନୂତନ ଶ୍ରେଣୀଗୃହ ନିର୍ମାଣ, ପରିମଳ ସୁବିଧା ସୁନିଶ୍ଚିତ କରିବା ସହିତ ବିଦ୍ୟାଳୟଗୁଡିକରେ ଅତ୍ୟାବଶ୍ୟକ ଶିକ୍ଷାଗତ ଯୋଗ୍ୟତା ହାସଲ କରିବା ପାଇଁ ଆବଶ୍ୟକୀୟ ଉପକରଣମାନ ଯୋଗାଇଦେଇ ଶିକ୍ଷଣ ପରିବେଶକୁ ବଢାଇବାକୁ ଲକ୍ଷ୍ୟ ରଖିଛି |
MCL ଅଧୀନରେ ଝାରସୁଗୁଡା ଜିଲ୍ଲାର ୫୧ଟି ବିଦ୍ୟାଳୟର ବିକାଶ , ଆଧୁନିକୀକରଣ ଏବଂ ନବୀକରଣ ପାଇଁ ୧୫.୬୩ କୋଟି ବଣ୍ଟନ କରିଛି | ଏହାଦ୍ୱାରା ଜିଲ୍ଲାର ତିନୋଟି ପୌରସଂସ୍ଥାରେ ୫୦୦୦ ରୁ ଅଧିକ ଛାତ୍ର/ଛାତ୍ରୀ ଏବଂ ୨୦୦ ଶିକ୍ଷକ/ଶିକ୍ଷୟତ୍ରୀ ଏବଂ କର୍ମଚାରୀ ଉପକୃତ ହେବେ ବୋଲି ଆଶା କରାଯାଉଛି |
ଏହି ପ୍ରକଳ୍ପ ପାଇଁ ଏକ ସ୍ମାରକପତ୍ର (ଏମଓୟୁ) ଝାରସୁଗୁଡା ଜିଲ୍ଲା ପ୍ରଶାସନ ଏବଂ ଏମସିଏଲ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଛି। ଜିଲ୍ଲାର ଛାତ୍ର-ଛାତ୍ରୀ ଏବଂ ଶିକ୍ଷାବିତମାନଙ୍କ ପାଇଁ ଅନୁକୂଳ ତଥା ଆଧୁନିକ ଶିକ୍ଷଣ ପରିବେଶ ପ୍ରତିଜ୍ଞା କରି ଏକ ବର୍ଷ ମଧ୍ୟରେ ଭିତ୍ତିଭୂମି ଉନ୍ନୟନ କାର୍ଯ୍ୟ ସମାପ୍ତ ହେବ। ଏହି ପ୍ରୟାସ MCLର ସ୍ଥିର ପ୍ରତିବଦ୍ଧତାକୁ ସୂଚିତ କରେ, ଯାହା ସ୍ଥାନୀୟ ସମ୍ପ୍ରଦାୟର ଉନ୍ନତି ଏବଂ ସାମଗ୍ରିକ ବିକାଶକୁ ପ୍ରାଧାନ୍ୟ ଦେଇଥାଏ |
