ନୂଆଦିଲ୍ଲୀ: ମୁଖ୍ୟତଃ ଭାବେ ବିନିର୍ମାଣ ଏବଂ ଖଣି କ୍ଷେତ୍ରର ଖରାପ ପ୍ରଦର୍ଶନ ଯୋଗୁଁ ୨୦୨୪-୨୫ ଆର୍ଥିକବର୍ଷର ତୃତୀୟ ତ୍ରୈମାସିକରେ ଭାରତର ଅର୍ଥନୈତିକ ଅଭିବୃଦ୍ଧି ହାର ୬.୨%କୁ ହ୍ରାସ ପାଇଛି। ଶୁକ୍ରବାର ଜାତୀୟ ପରିସଂଖ୍ୟାନ କାର୍ଯ୍ୟାଳୟଦ୍ବାରା ପ୍ରକାଶିତ ତଥ୍ୟ ଅନୁଯାୟୀ, ଚଳିତ ଆର୍ଥିକ ବର୍ଷର ଅକ୍ଟୋବର-ଡିସେମ୍ବର ୨୦୨୪ ତ୍ରୈମାସିକରେ ଭାରତୀୟ ଅର୍ଥନୀତି ୬.୨ ପ୍ରତିଶତ ଅଭିବୃଦ୍ଧି ରହିଛି, ଯାହା ଗତ ବର୍ଷ ସମାନ ଅବଧୂରେ ୯.୫ ପ୍ରତିଶତ ଥୁଲା |
ଚଳିତ ଆର୍ଥିକବର୍ଷର ଜୁଲାଇ-ସେପ୍ଟେମ୍ବର ତ୍ରୈମାସିକରେ ମୋଟ ଘରୋଇ ଉତ୍ପାଦ (ଜିଡିପି) ଅଭିବୃଦ୍ଧି ହାର ୫.୬ ପ୍ରତିଶତ ଥିଲା | ଏହାସହିତ, ସିଏସଓ ଏହାର ଜାତୀୟ ହିସାବର ଦ୍ଵିତୀୟ ଅଗ୍ରୀମ ଆକଳନରେ କହିଛି ଯେ ଚଳିତ ଆର୍ଥିକ ବର୍ଷ ପାଇଁ ଦେଶର ଅଭିବୃଦ୍ଧି ହାର ୬.୫ ପ୍ରତିଶତ ରହିବ | ପୂର୍ବରୁ, ଜାନୁଆରୀ ୨୦୨୫ରେ ପ୍ରକାଶିତ ଏହାର ପ୍ରଥମ ଆଗୁଆ ଆକଳନରେ, ଏହା ଚଳିତ ଆର୍ଥିକ ବର୍ଷ ପାଇଁ ୬.୪ ପ୍ରତିଶତ ଅଭିବୃଦ୍ଧି ଆକଳନ କରିଥିଲା I ଏନଏସଓ ଗତ ଆର୍ଥିକ ବର୍ଷ (୨୦୨୩-୨୪) ପାଇଁ ଜିଡିପି ଅଭିବୃଦ୍ଧିକୁ ୯.୨ ପ୍ରତିଶତକୁ ସଂଶୋଧନ କରିଛି। ପୂର୍ବରୁ ଏହି ସଂଖ୍ୟା Γ.9 ପ୍ରତିଶତ ଥିଲା |
ଦେଶର ଆଠଟି ପ୍ରମୁଖ କୋର ଶିଳ୍ପର ଅଭିବୃଦ୍ଧି ହାର ଜାନୁଆରୀ ଆରୀରେ ୪.୬ ପ୍ରତିଶତକୁ ବୃଦ୍ଧି ପାଇଛି, ଯାହା ଗତ ବର୍ଷ ସମାନ ମାସରେ ରେ ୪.୨ ପ୍ରତିଶତ ଥିଲା। ଶୁକ୍ରବାର ପ୍ରକାଶିତ ସରକାରୀ ତଥ୍ୟ ଅନୁଯାୟୀ, ଡିସେମ୍ବର ୨୦୨୪ରେ ଆଠଟି ପ୍ରମୁଖ ଶିଳ୍ପର ଅଭିବୃଦ୍ଧି ହାର ୪.୮ ପ୍ରତିଶତ ଥିଲା | ଚଳିତ ବର୍ଷ ଜାନୁଆରୀରେ କୋଇଲା ଉତ୍ପାଦନ ୪.୬ ପ୍ରତିଶତ, ଇସ୍ପାତ ଉତ୍ପାଦନ ୩.୭ପ୍ରତିଶତ ଏବଂ ବିଦ୍ୟୁତ ଉତ୍ପାଦନ ୧.୩ ପ୍ରତିଶତ ବୃଦ୍ଧି ପାଇଛି I ଗତ ବର୍ଷ ସମାନ ମାସରେ, ଏହି ଶିଳ୍ପଗୁଡ଼ିକ ଯଥାକ୍ରମେ ୧୦.୬ ପ୍ରତିଶତ, ୯.୨ ପ୍ରତିଶତ ଏବଂ ୫.୭ ପ୍ରତିଶତ ଅଭିବୃଦ୍ଧି ପଞ୍ଜିକୃତ କରିଥିଲେ। ତଥାପି, ସମୀକ୍ଷା ମାସରେ ରିଫାଇନାରୀ ଉତ୍ପାଦ, ସାର ଏବଂ ସିମେଣ୍ଟର ଉତ୍ପାଦନ ଯଥାକ୍ରମେ ୮.୩ ପ୍ରତିଶତ, ତିନି ପ୍ରତିଶତ ଏବଂ ୧୪.୫ ପ୍ରତିଶତକୁ ବୃଦ୍ଧି ପାଇଛି।
