ଝାରସୁଗୁଡା, ୨୮/୦୩/୨୦୨୫: ବେଦାନ୍ତ ଆଲୁମିନିୟମ୍ ଏହାର ଫ୍ଲାଗସିପ୍ ଯୋଜନା ଜଳ, ପରିମଳ ଏବଂ ସ୍ୱଚ୍ଛତା (ୱାଶ୍) ପଦକ୍ଷେପ ଅଧୀନରେ ଝାରସୁଗୁଡା ଜିଲ୍ଲାର କୁରାଲୋଇର ପ୍ରମୁଖ ସ୍ଥାନରେ ଜଳ ବିଶୋଧକ ସହିତ ବାୟୋ-ଶୌଚାଳୟ ଏବଂ ସୌର ଚାଳିତ ବୋର-ୱେଲ୍ ସ୍ଥାପନ କରିଛି ଯାହା ୫୫୦୦ ରୁ ଅଧିକ ଲୋକଙ୍କୁ ଉପକୃତ କରିଛି ।
ଏହାର ଉଦଘାଟନୀ ସମାରୋହରେ ଯୋଗ ଦେଇ ଏବଂ ଏହି ଅଞ୍ଚଳର ସ୍ୱଚ୍ଛ ଜଳ ଏବଂ ଉନ୍ନତ ପରିମଳ ଭିତ୍ତିଭୂମିର ଆବଶ୍ୟକତା ଉପରେ ଆଲୋକପାତ କରି ବେଲପାହାଡ଼ ପୌରାଧ୍ୟକ୍ଷ ଶ୍ରୀ ନିମୟ ଚରଣ ପଣ୍ଡା କହିଛନ୍ତି ଯେ ଭୂତଳ ଜଳରେ ଅଧିକ ପରିମାଣର ଲୌହ ଅଂଶ ଥିବାରୁ ଏହି ଅଞ୍ଚଳରେ ପାନୀୟ ଜଳର ଉପଲବ୍ଧତା ଏକ ଗୁରୁତ୍ୱପୂର୍ଣ୍ଣ ଆବଶ୍ୟକତା । ଯେହେତୁ ଗ୍ରୀଷ୍ମ ମାସ ଆରମ୍ଭରୁ ଜଳର ଅଭାବ ଏବଂ ସ୍ୱଚ୍ଛ ପରିମଳ ଭିତ୍ତିଭୂମି ଅନ୍ୟ ଏକ ଜରୁରୀ ଆବଶ୍ୟକତା ଥିଲା ତାହାର ସମାଧାନ କରିବା ଏବଂ ଆମ ଅଞ୍ଚଳରେ ସ୍ୱାସ୍ଥ୍ୟ, ସ୍ୱଚ୍ଛତା ଏବଂ ସ୍ଥାୟୀ ବିକାଶକୁ ପ୍ରୋତ୍ସାହିତ କରିଥିବାରୁ ମୁଁ ବେଦାନ୍ତ ଆଲୁମିନିୟମକୁ ଧନ୍ୟବାଦ ଜଣାଉଛି ।
ବେଦାନ୍ତର ଗୋଷ୍ଠୀ ସ୍ୱାସ୍ଥ୍ୟ ପଦକ୍ଷେପ ଉପରେ ଆଲୋକପାତ କରି କୋଇଲା ଖଣିର ସିଇଓ ଡାଭିଡ ଷ୍ଟୋନ କହିଛନ୍ତି ଯେ ଆମର ପ୍ରୟାସ ମିଳିତ ଜାତିସଂଘର ସ୍ଥାୟୀ ବିକାଶ ଲକ୍ଷ୍ୟ (ଏସଡିଜି) ସହିତ ଘନିଷ୍ଠ ଭାବରେ ଯୋଡ଼ି ହୋଇଛି, ବିଶେଷ କରି ଏସଡିଜି ୬, ଯାହା ସ୍ୱଚ୍ଛ ଜଳ ଏବଂ ପରିମଳ ଉପରେ ଧ୍ୟାନ ଦେଇଥାଏ । ଏହି ଅଞ୍ଚଳରେ ନିରାପଦ ପାନୀୟ ଜଳର ଉପଲବ୍ଧତା ବୃଦ୍ଧି କରିବା ଏବଂ ପରିମଳ ଭିତ୍ତିଭୂମିରେ ଉନ୍ନତି ଆଣିବା ଦ୍ୱାରା, ଆମେ ସୁସ୍ଥ, ଅଧିକ ସହନଶୀଳ ସମ୍ପ୍ରଦାୟ ସୃଷ୍ଟି କରିବା ଏବଂ ଯେଉଁ କ୍ଷେତ୍ରରେ କାର୍ଯ୍ୟ କରୁଛୁ ସେଠାରେ ସ୍ଥାୟୀ ବିକାଶ କରିବା ଆମର ଲକ୍ଷ୍ୟ ।
ଉଲ୍ଲେଖନୀୟ କଥା ହେଉଛି, ବିଦ୍ୟାଳୟ, ଅଙ୍ଗନବାଡି କେନ୍ଦ୍ର ଏବଂ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ରଣନୀତିକ ଭାବରେ ସ୍ଥାପିତ ବାୟୋ-ଶୌଚାଳୟ ଏକ “ଏନାରୋବିକ୍ ବାୟୋ-ଡାଇଜେଷ୍ଟର୍ ସିଷ୍ଟମ୍” ମାଧ୍ୟମରେ କାର୍ଯ୍ୟ କରେ ଯେଉଁଠାରେ ସ୍ୱତନ୍ତ୍ର ଭାବରେ ବିକଶିତ ବ୍ୟାକ୍ଟେରିଆ ବର୍ଜ୍ୟବସ୍ତୁକୁ ଅପଘଟିତ କରି ଏହାକୁ ପାଣି, ମିଥେନ୍ ଏବଂ କାର୍ବନ ଡାଇଅକ୍ସାଇଡରେ ପରିଣତ କରେ ଯାହା ହାତରେ ବର୍ଜ୍ୟବସ୍ତୁ ଅପସାରଣର ଆବଶ୍ୟକତାକୁ ସମାପ୍ତ କରିଥାଏ ଏବଂ ସ୍ଥାୟୀ ପରିମଳକୁ ପ୍ରୋତ୍ସାହିତ କରେ । ଏହାବ୍ୟତୀତ ସୌରଶକ୍ତି ଚାଳିତ ବୋରୱେଲ ଏବଂ ଜଳ ବିଶୋଧକଗୁଡ଼ିକ ସ୍ୱାସ୍ଥ୍ୟ ଏବଂ ସ୍ୱଚ୍ଛତାକୁ ପ୍ରୋତ୍ସାହିତ କରୁଥିବା ଲୋକଙ୍କୁ ପାନୀୟ ଜଳ ଯୋଗାଇଥାଏ ।
